संस्थेविषयी
‘महाराष्ट्राची राजभाषा’ ‘मराठी' तिला अभिजात भाषेचा सन्मान मिळाला. अभिजात मराठी भाषेचा सन्मान व गौरवाचा आनंद व्यक्त करताना निम्नस्तर मराठी शिक्षक संघटनेच्या सर्व सभासदांना सार्थ अभिमान वाटतो.
राजभाषेला मानाचे स्थान मिळावे, मराठी भाषा समृध्द व्हावी तिचा सन्मान व्हावा, मराठी भाषेचा दर्जा वाढावा यासाठी शालेय स्तरावर हातभार लावण्याचा संघटनेचा मुख्य हेतू. हे लक्ष्य साध्य करण्यासाठी १४ डिसेंबर १९८४ रोजी कै. कुसुमताई आडिवरेकर, कै. फादर अँथोनी डिसोझा, कै. फादर जुझे डिसुझा यांच्या नेतृत्वाखाली निम्नस्तर मराठी शिक्षक संघटनेची स्थापना झाली. तेव्हापासून गेली चाळीस वर्षे संघटना मराठी भाषेसाठी, अमराठी विद्यार्थ्यांसाठी, मराठी भाषा शिक्षकांसाठी कार्यरत आहे. शालेय पाठ्यपुस्तक व अभ्यासक्रमाशी संलग्न राजभाषा मराठी साठी शैक्षणिक कार्य करणारी एकमेव शैक्षणिक संस्था आहे.
आज मराठीला "अभिजात मराठीचा" सन्मान मिळाला आहे. त्यासाठी सर्वांचे अभिनंदन करताना बृहन्मुंबई निम्नस्तर मराठी शिक्षक संघटनेला खूप आनंद होत आहे.
